Holm Security Vulnerability Management Platform

პლატფორმა აერთიანებს ან ანაცვლებს სკანირებისთვის განკუთვნილ ექვსამდე სხვადასხვა პროდუქტს: კომპიუტერების, ღრუბლოვანი რესურსების, ვების, API-ის, IoT-ის, OT/SCADA-ის და სხვათა სკანირებისთვის. ის უზრუნველყოფს არსებული სისტემების ხილვადობასა და გააზრებას, რასაც რისკების შეფასება მოჰყვება. ეს საშუალებას გაძლევთ, გაიგოთ თითოეული საფრთხის სრული კონტექსტი და ყურადღება გაამახვილოთ ტექნიკურ დაუცველობებსა და მაღალი რისკის მქონე მომხმარებლებზე. მაქსიმალურად ეფექტიანად გამოიყენეთ თქვენი ძალისხმევა და მინიმალური დანახარჯებით აღმოფხვერით ბიზნესისთვის კრიტიკული დაუცველობები.

თვალი ადევნეთ მიმდინარე საფრთხეებს და დაიცავით მთელი თქვენი ინფრასტრუქტურა, მათ შორის ღრუბლოვანი და ოპერაციული ტექნოლოგიები, ასევე დისტანციური თანამშრომლები. Holm Security უზრუნველყოფს შეუდარებელ ანალიტიკასა და ხილვადობას და მოიცავს თქვენი ორგანიზაციის ყველა ტექნიკურ რესურსს, მათ შორის ლოკალურ და საჯაროდ ხელმისაწვდომ სისტემებს, კომპიუტერებს, ღრუბლოვან ინფრასტრუქტურასა და სერვისებს, ქსელებს, ვებაპლიკაციებს, API-ებსა და მომხმარებლებს.

მიიღეთ სრული ხილვადობა და კონტექსტი ყველაზე კრიტიკული არასწორი კონფიგურაციების შესახებ, რომლებიც დაკავშირებულია ქსელზე წვდომასთან, დაშიფვრასთან, მომხმარებელთა ნებართვებთან, წვდომის კონტროლთან და მინიმალური პრივილეგიების პრინციპთან.

მართეთ ღრუბლოვანი ინფრასტრუქტურა, მათ შორის ინფრასტრუქტურა როგორც სერვისი (IaaS), პროგრამული უზრუნველყოფა როგორც სერვისი (SaaS) და პლატფორმა როგორც სერვისი (PaaS), ერთი ინტერფეისიდან.

ამის წყალობით თქვენი გუნდები შეძლებენ პროაქტიულად და უწყვეტად გააუმჯობესონ ღრუბლოვანი ტექნოლოგიების უსაფრთხოება. ისარგებლეთ CSPM-ისა და დაუცველობების მართვის ძირითადი შესაძლებლობებით ერთ პლატფორმაზე.

დაიცავით თქვენი ორგანიზაცია უსაფრთხოების დარღვევებისგან. გამოავლინეთ დაუცველობები, შეაფასეთ რისკები, აღმოაჩინეთ „ბრმა ზონები“ და განსაზღვრეთ საფრთხეების აღმოფხვრის პრიორიტეტები თქვენი ორგანიზაციის ყველა რესურსისთვის. დაასკანირეთ საჯაროდ ხელმისაწვდომი და ლოკალური სისტემები, ადგილობრივი და დისტანციური კომპიუტერები და მოწყობილობები, ღრუბლოვანი ინფრასტრუქტურა, ქსელური მოწყობილობები და IoT, ასევე ოპერაციული ტექნოლოგიები (OT) და SCADA გარემოები. აღმოფხვერით კონკრეტული საფრთხეები, დაუცველობები და მარეგულირებელ მოთხოვნებთან შეუსაბამობები.

იზრუნეთ თქვენი ვებაპლიკაციების უსაფრთხოებაზე და სკანირების გადაწყვეტის საშუალებით მუდმივად გამოავლინეთ ათასობით მოწყვლადობა. უკეთ გაერკვიეთ საფრთხეების ამჟამინდელ ლანდშაფტში და ინფორმაციული უსაფრთხოების მიმართ პროაქტიული მიდგომა გამოიყენეთ. გამოავლინეთ მავნე კოდთან, არასწორად კონფიგურირებულ სისტემებთან, სუსტ პაროლებთან, დაუცველ სისტემურ ინფორმაციასა და პერსონალურ მონაცემებთან დაკავშირებული მოწყვლადობები.

გაზარდეთ API-ის უსაფრთხოება ზედმეტი ძალისხმევის გარეშე. არ დატოვოთ არცერთი პოტენციური შესასვლელი წერტილი სკანირებისა თუ თავდასხმებისგან დაცვის გარეშე. მოწინავე სკანირების ტექნოლოგია უზრუნველყოფს სრულ ხილვადობას და ხელს უწყობს მოწყვლადობების აღმოფხვრას, რითაც საიმედოდ იცავს გარე აპლიკაციებს.

შექმენით საკუთარი „ადამიანური ფაიერვოლი“: ასწავლეთ თანამშრომლებს კიბერსაფრთხეებისა და ფიშინგის მცდელობების ამოცნობა უსაფრთხო და კონტროლირებად გარემოში ფიშინგის სიმულაციების, ავტომატიზებული და ინდივიდუალური სწავლების მეშვეობით. მიიღეთ ზომები კიბერუსაფრთხოების შესახებ ცნობიერების ასამაღლებლად, კონფიდენციალური და პერსონალური ინფორმაციის დასაცავად, ასევე მონაცემთა ძვირადღირებული გაჟონვისა და გამოსასყიდის მოთხოვნის თავიდან ასაცილებლად.

გამოიყენეთ მზა ინტეგრაციები ან პლატფორმის API IT-მართვის ინსტრუმენტების დასაკავშირებლად. მოახდინეთ ინტეგრაცია და გაგზავნეთ ტიკეტები პირდაპირ მესამე მხარის გადაწყვეტილებებში მოწყვლადობების უფრო ეფექტიანად სამართავად. გააძლიერეთ თქვენი ტექნოლოგიური ეკოსისტემის სხვა გადაწყვეტილებები და გააერთიანეთ IT-გუნდები მკაფიო კომუნიკაციის, თანამშრომლობისა და ინტეგრაციის მეშვეობით.