Gatewatcher NDR — AIonIQ

AionIQ არის ინოვაციური გამოვლენისა და რეაგირების (NDR) პლატფორმა, რომელიც გარემოში არსებული ყველა აქტივის ანალიზის საფუძველზე საიმედოდ ამოიცნობს მავნე ქმედებებსა და საეჭვო აქტივობას. ამ შესაძლებლობების შერწყმა მავნე ქცევის ანალიზის უპრეცედენტო ეფექტიანობასთან, დაშიფრული ქსელური ნაკადების შემთხვევაშიც კი, საშუალებას იძლევა ყოვლისმომცველად შეფასდეს აქტივებსა და მომხმარებლებს შორის თითოეულ კავშირთან დაკავშირებული კიბერრისკების დონე. შედეგად მიიღწევა როგორც ცნობილი, ისე უცნობი კიბერსაფრთხეების — გამოსასყიდის მომთხოვნი პროგრამების, APT-ებისა და zero day ექსპლოიტების ჩათვლით — გამოვლენის შეუდარებელი დონე.

• AionIQ არ საჭიროებს დამატებით აღჭურვილობას და არ ითვალისწინებს ფარულ ხარჯებს. შესამოწმებელი ტრაფიკის მიღება შესაძლებელია კომუტატორების SPAN-პორტებიდან ან TAP-მოწყობილობებიდან ტრაფიკის ასლების სახით. AionIQ მარტივად კონფიგურირდება და შემოწმების დაწყებისთანავე ავლენს საფრთხეებს, თქვენს სამუშაო გარემოზე ყოველგვარი ზემოქმედების გარეშე.
• „უსაფრთხოება დიზაინის დონეზე“ პრინციპით შექმნილი AionIQ აღჭურვილია დაცული ოპერაციული სისტემით, რომელიც უზრუნველყოფს შეღწევის მცდელობებისადმი მდგრადობას და ამცირებს შეტევის ზედაპირს.
• AionIQ ღია პლატფორმაა, რომელიც ბაზარზე არსებული რეაგირებისა და პრობლემების აღმოფხვრის ინსტრუმენტების უმეტესობასთან, მათ შორის EDR, SIEM და SOAR-თან, ინტეგრაციის წყალობით შეტევაზე ეფექტიან რეაგირებას უზრუნველყოფს.
• AionIQ თქვენს ორგანიზაციის სპეციფიკას ერგება გამოვლენის მექანიზმების უნიკალური და მასშტაბირებადი სისტემის მეშვეობით. მისი განთავსება შესაძლებელია ლოკალურად ან ღრუბელში.
• მრავალრიცხოვანი მეტამონაცემების შეგროვებისა და აღმოჩენილი საფრთხეების MITRE ATT&CK ფრეიმვორკის შესაბამისად ქრონოლოგიური ვიზუალიზაციის წყალობით, AionIQ უსაფრთხოების ანალიტიკოსებს მუშაობასა და შეტყობინებების პრიორიტეტულობის მართვას უადვილებს.
• AionIQ ხელმისაწვდომია რამდენიმე ვარიანტში, რათა იდეალურად მოერგოს თქვენს უსაფრთხოების ინფრასტრუქტურასა და ტექნოლოგიურ გადაწყვეტილებებს და შემოგთავაზოთ ნამდვილად ინდივიდუალური დაცვა.