LogRhythm SIEM

LogRhythm SIEM პლატფორმა უზრუნველყოფს უსაფრთხოების ყოვლისმომცველ ანალიტიკას, UEBA-ს, NTA-სა და SOAR-ს ერთიანი ინტეგრირებული პლატფორმის ფარგლებში, საფრთხეების სწრაფად გამოსავლენად, მათზე რეაგირებისა და მათი გასანეიტრალებლად. გადაწყვეტა აძლიერებს უსაფრთხოების სისტემებს და ხელს უწყობს ტექნოლოგიების, გუნდისა და პროცესების უკეთ კოორდინაციას. LogRhythm-თან ერთად თქვენი გუნდი შეძლებს გაუმკლავდეს ნებისმიერ საფრთხეს, რომელსაც შეხვდება.

ინტუიციური, მაღალწარმადობის ანალიტიკის, მონაცემთა გაფართოებული შეგროვებისა და ინციდენტებზე რეაგირების შეუფერხებელი პროცესის წყალობით, LogRhythm SIEM ეხმარება თქვენს ორგანიზაციას საფრთხეების გამოვლენაში, შეტევების შედეგების შემსუბუქებასა და ყველა აუცილებელი მოთხოვნის დაცვაში.

LogRhythm SIEM პლატფორმა ქმნის უსაფრთხოების ერთიან სურათს, რომელიც მომხმარებლის ან ჰოსტის შესახებ მონაცემებსა და მათ აქტივობას ერთ მოსახერხებელ ხედში აერთიანებს. ეს ანალიტიკოსებს ეხმარება უსაფრთხოების ინციდენტების სწრაფად გაანალიზებასა და ეფექტიანად აღმოფხვრაში. ვიზუალური ანალიტიკური ინტერფეისის მეშვეობით LogRhythm SIEM ამარტივებს ინციდენტების გამოძიებისა და მათზე რეაგირების პროცესს: ის მომხმარებლის ან ჰოსტის უსაფრთხოების ისტორიას SIEM პლატფორმაში შემოსული ყველა საჭირო მონაცემით წარმოაჩენს.

ასეთი ვიზუალური ხედვა უსაფრთხოების გუნდებს ეხმარება პრიორიტეტების განსაზღვრასა და უსაფრთხოების ყველაზე მნიშვნელოვან ასპექტებზე კონცენტრირებაში. ყველა ხელმისაწვდომი მონაცემის ერთ სივრცეში თავმოყრით LogRhythm SIEM სპეციალისტებს ეხმარება პოტენციურ საფრთხეებზე სწრაფად და ზუსტად რეაგირებაში და ზრდის უსაფრთხოების გუნდის მუშაობის ეფექტიანობას.

ლოგების ცენტრალიზებული მართვის საშუალებით გაფილტრეთ არასაჭირო მონაცემები და მიიღეთ სასარგებლო ინფორმაცია. შეაგროვეთ ლოგები სხვადასხვა წყაროდან LogRhythm-ის ლოგების შეგროვების შესაძლებლობების გამოყენებით.

LogRhythm-ის მანქანური მონაცემების ანალიზის (MDI) ტექნოლოგია მონაცემებს მიღებისთანავე კონტექსტს მატებს და ამდიდრებს, რთულ მონაცემებს კი გასაგებ ენაზე წარმოადგენს. გამოიყენეთ პრაქტიკულად გამოსადეგი მონაცემები ზუსტი ანალიზისთვის.

მიეცით SIEM პლატფორმას საშუალება, სამუშაო თქვენს ნაცვლად შეასრულოს. LogRhythm-ის ერთიანი სამუშაო გარემოს წყალობით დაზოგეთ დრო ეკრანებსა და პროდუქტებს შორის გადასვლაზე. მოვლენების გასაგები ქრონოლოგია, წინასწარ მომზადებული რესურსები — საინფორმაციო პანელები, შეტყობინებები და ანგარიშები — და ინციდენტების მართვის ჩაშენებული ინსტრუმენტები (ქეისების მართვა და სცენარები) დაგეხმარებათ სამუშაოს სწრაფად შესრულებასა და შედეგების უფრო მალე მიღებაში.

დრო ეფექტიან მუშაობას დაუთმეთ და არა თქვენი SIEM ინსტრუმენტის მოვლა-პატრონობასა და მხარდაჭერას. ჩაშენებული ორკესტრირების, ავტომატიზაციისა და საფრთხეებზე რეაგირების (SOAR) ფუნქციებით ავტომატიზაცია გაუკეთეთ განმეორებად ამოცანებსა და შრომატევად სამუშაოს, რათა თქვენმა გუნდმა ყურადღება იმ სფეროებზე გაამახვილოს, სადაც მისი გამოცდილება ყველაზე სასარგებლო იქნება.