Unit Range

Unit Range აერთიანებს ხელოვნურ ინტელექტზე დაფუძნებულ მოწინავე ინსტრუმენტებს, რომლებიც აჩქარებს სასწავლო პროცესებს, ზრდის კიბერტრენინგების ეფექტიანობას და პლატფორმაზე ძირითად ამოცანებს ავტომატიზებს. AI-ზე დაფუძნებული მიდგომით კომპანიებს შეუძლიათ გაცილებით სწრაფად დანერგონ თავიანთ შიდა პოლიტიკასა და ცვლილებებზე მორგებული სასწავლო პროგრამები.

AI Test and Content Generation ფუნქცია საშუალებას იძლევა, კომპანიის მიერ მოწოდებული მასალების ან აქტუალური ქეისების გამოყენებით, სულ რამდენიმე წუთში შეიქმნას ინდივიდუალური ტესტები და სასწავლო კონტენტი. AI Answer Scoring & Reporting სისტემა ავტომატურად აანალიზებს მომხმარებლების პასუხებს და ქმნის ანალიტიკურ ანგარიშებს, რომლებშიც შეფასებულია როგორც ცალკეული თანამშრომლების, ისე მთელი გუნდების ძლიერი და სუსტი მხარეები.

განსაკუთრებულ ყურადღებას იმსახურებს AI CISO Trainer — კიბერუსაფრთხოების ვირტუალური მენტორი, რომელიც პერსონალს ინტერაქტიულად ასწავლის, პასუხობს შეკითხვებს და რეალური სამუშაო სიტუაციების გათვალისწინებით უსაფრთხო ციფრული ქცევის შესახებ რეკომენდაციებს აძლევს. ასეთი მიდგომა მნიშვნელოვნად ზრდის თანამშრომლების ცნობიერებას და ხელს უწყობს კიბერმდგრადი კორპორაციული კულტურის ჩამოყალიბებას.

Unit Range გთავაზობთ რეალურ დროში მოქმედ მძლავრ ანალიტიკურ ინსტრუმენტებს, რომლებიც კომპანიებს ზუსტ და აქტუალურ მონაცემებზე დაყრდნობით დასაბუთებული გადაწყვეტილებების მიღებაში ეხმარება. აქტივობების მუდმივი მონიტორინგისა და საფრთხეების ინტელექტუალური დამუშავების საშუალებით სისტემა რისკებს ყველა დონეზე ავლენს — ცალკეული მომხმარებლებით დაწყებული, მთელი გუნდებითა და განყოფილებებით დასრულებული.

რეალურ დროში საფრთხეების ანალიზი უზრუნველყოფს კონკრეტულ ჯგუფებთან, პროცესებთან თუ ცალკეულ თანამშრომლებთან დაკავშირებული კიბერრისკების სიღრმისეულ გააზრებას. შეფასების ინსტრუმენტები ცოდნასა თუ ქცევაში სუსტი წერტილების გამოვლენის, ასევე გუნდის ძლიერი მხარეების განსაზღვრის საშუალებას იძლევა და კომპანიის კიბერგამოწვევებისთვის მზადყოფნის საერთო სურათს ქმნის.

მართვის ცენტრი კიბერუსაფრთხოების ძირითადი კამპანიებისა და საგანმანათლებლო ინიციატივების მოსახერხებელ კონტროლს უზრუნველყოფს და პროგრესის რეალურ დროში თვალყურის დევნების საშუალებას იძლევა. ლიდერბორდების სისტემა კი კომპანიაში უსაფრთხოების ნამდვილი ჩემპიონების — საუკეთესო შედეგების, ლიდერობისა და კიბერთავდაცვის სფეროში პროაქტიული მიდგომის მქონე ადამიანების — გამოვლენაში გეხმარებათ.

Unit Range გთავაზობთ რეალისტურ სიმულაციებს, რომლებიც ყველა დონის მომხმარებელს რეალურთან მიახლოებულ გარემოში უნარების დახვეწის საშუალებას აძლევს. ეს სიმულაციები სცენარების ფართო სპექტრს მოიცავს და გუნდებს საშუალებას აძლევს გამოსცადონ თავიანთი შესაძლებლობები როგორც თავდაცვაში, ისე შეტევაში, რაც ყოვლისმომცველად მომზადებული სპეციალისტების ჩამოსაყალიბებლად კრიტიკულად მნიშვნელოვანია.

Blue Team-ისთვის განკუთვნილი სცენარები ფიშინგთან, საფრთხეებზე ნადირობასთან, ransomware-ზე რეაგირებასთან, მავნე პროგრამული უზრუნველყოფის ანალიზთან და მონაცემთა გაჟონვის გამოძიებასთან დაკავშირებულ სიტუაციებში თავდაცვითი მოქმედებების დახვეწას უწყობს ხელს. ისინი მორგებულია რეალურ გამოწვევებზე, რომლებსაც SOC-ის ანალიტიკოსები და IT გუნდები ყოველდღიურად აწყდებიან.

Red Team-ისთვის განკუთვნილი სცენარები შეღწევის ტექნიკებს, მოწყვლადობების ანალიზსა და რთული შეტევების განხორციელებას ასწავლის. აქ შესაძლებელია ხელოვნური ინტელექტისა და პაიპლაინების უსაფრთხოების შემოწმება, ransomware-ის გაშიფვრის გასაღებების მოპოვების მეთოდების შესწავლა, RCE-ის გამოყენებით რთული ვებშეტევების განხორციელება და თანამედროვე ციფრულ გარემოში შეტევის უახლესი მიდგომების გამოკვლევა.

დამწყებებისა და არასპეციალისტებისთვის გათვალისწინებულია კიბერჰიგიენის საფუძვლების მოდულები: მონაცემთა გაჟონვის გამოვლენა, Windows-ში ავტორიზაციის პრინციპები, ქსელის საბაზისო სკანირება, კოდის სტატიკური ანალიზით მოწყვლადობების შეფასება და სხვა პრაქტიკული უნარები, რომლებიც კიბერუსაფრთხოების ფუნდამენტურ გაგებას აყალიბებს.

მოდულური მიდგომისა და ადაპტირებადი სირთულის დონის წყალობით, Unit Range-ის სიმულაციები კომპანიის ძლიერი კიბერმდგრადობის ჩამოყალიბებასა და უნარების განვითარებას აჩქარებს ნებისმიერი მიმართულებით — თავდაცვიდან შეტევამდე.