CrowdStrike Falcon Platform: ყველა მოდული

• იცავს შეტევების სრული სპექტრისგან ხელმოწერების ბაზების ყოველდღიური, მოცულობითი განახლებების საჭიროების გარეშე.
• აერთიანებს საფრთხეების პრევენციის საუკეთესო ტექნოლოგიებს — მანქანურ სწავლებას, AI-ს (Artificial Intelligence), თავდასხმის ინდიკატორებს (IOA), ექსპლოიტების დაბლოკვას და სხვ.
• ავსებს ტრადიციული AV-ის მიერ დატოვებულ ხარვეზებს და სრულად იცავს საბოლოო მოწყობილობებს როგორც ონლაინ, ისე ოფლაინ რეჟიმში.
• EDR გადაწყვეტისგან (Falcon Insight) განსხვავებით, აჩვენებს გამოვლენილ საფრთხეებს თითოეული საბოლოო მოწყობილობის მიხედვით.

• ხელს უშლის კომპლექსურ შეტევებს მოვლენების შესახებ დაუმუშავებელი მეტამონაცემების შეგროვებითა და მავნე აქტივობის ავტომატური გამოვლენით; უზრუნველყოფს პროცესების უპრეცედენტო ხილვადობას, საფრთხეებზე აქტიურ ნადირობასა და ციფრულ ფორენზიკულ გამოძიებას.
• მთელ შეტევას ასახავს მარტივად გამოსაყენებელ Incident Workbench-ში, რომელიც გამდიდრებულია კონტექსტითა და საფრთხეების შესახებ სადაზვერვო მონაცემებით.
• უზრუნველყოფს ძლიერ რეაგირებას, მომხმარებელთა კომპრომეტირებული საბოლოო მოწყობილობების იზოლირებას, გამოკვლევასა და აღდგენას.

XDR კონცეფცია ხორციელდება გარე სისტემებიდან (NGFW, NDR, Identity protection, Email protection და სხვ.) მონაცემების შეგროვებით და მათი შემდგომი მიწოდებით CrowdStrike-ის საფუძველში არსებულ NG-SIEM-ში. ეს საშუალებას იძლევა, ინფრასტრუქტურაში მომუშავე გადაწყვეტილებებს შორის უსაფრთხოების მოვლენების შესახებ ინფორმაცია გაიცვალოს და შეტევის რუკაზე აისახოს მოვლენები არა მხოლოდ საბოლოო მოწყობილობებიდან, არამედ იმ გადაწყვეტილებებიდანაც, საიდანაც მოვლენების კონტექსტის შესახებ დამატებითი ინფორმაცია იქნა მიღებული. ეს აჩქარებს და ამარტივებს ყველაზე რთული შეტევების რეალურ დროში გამოვლენას, გამოძიებასა და მათზე რეაგირებას. Falcon XDR-ის ფარგლებში გარე სერვისებთან ინტეგრაცია კონექტორების მეშვეობით ხდება (გარე სისტემებისთვის 120-ზე მეტი მზა კონექტორია ხელმისაწვდომი).

მოდული საშუალებას იძლევა, დააყენოთ მოქნილი პოლიტიკები სხვადასხვა USB მოწყობილობისა და ჩაშენებული Bluetooth მოდულების გამოყენების რეგულირებისთვის.

მოდული საშუალებას იძლევა, CrowdStrike-ის კონსოლიდან მართოთ Windows-ისა და Mac-ის ფაირვოლები და გამოიყენოთ ისინი პოლიტიკებში.

მოდული გამოიყენება ღრუბლოვანი გარემოებისა და სამუშაო დატვირთვების დასაცავად. ის უზრუნველყოფს ვირტუალური მანქანების, კონტეინერებისა და სხვა ღრუბლოვანი რესურსების უსაფრთხოებას, მათ შორის საფრთხეების გამოვლენასა და მათზე რეაგირებას, მოწყვლადობების მართვასა და უსაფრთხოების პოლიტიკებთან შესაბამისობას. ეს გადაწყვეტა ორგანიზაციებს საშუალებას აძლევს, რეალურ დროში დაიცვან თავიანთი ღრუბლოვანი გარემოებები, მათი მდებარეობის მიუხედავად.

გადაწყვეტა სპეციალიზებულია ღრუბელში კონტეინერიზებული გარემოების დაცვაზე. ის უზრუნველყოფს კონტეინერების უსაფრთხოებას შექმნიდან შესრულებამდე, მათ შორის საფრთხეების გამოვლენას, მოწყვლადობების ანალიზსა და უსაფრთხოების პოლიტიკებთან შესაბამისობას. ეს გადაწყვეტა ინტეგრირდება CrowdStrike Falcon პლატფორმასთან და უზრუნველყოფს კონტეინერებისა და Kubernetes-ის მსგავსი ორკესტრატორების სრულ დაცვას, რაც ორგანიზაციებს ეხმარება თავიანთი აპლიკაციების ღრუბელში უსაფრთხოდ განთავსებაში.

აერთიანებს SaaS აპლიკაციების უსაფრთხოების მდგომარეობის მართვას (SSPM) და SaaS-ში იდენტობასთან დაკავშირებული საფრთხეების გამოვლენასა და მათზე რეაგირებას (ITDR). ამით უზრუნველყოფს SaaS უსაფრთხოების თანამედროვე მიდგომას სრული ხილვადობით, უსაფრთხოების კონფიგურაციების უწყვეტი კონტროლითა და აქტიური საფრთხეების რეალურ დროში გამოვლენით.

უზრუნველყოფს ორგანიზაციაში ხელოვნური ინტელექტის გამოყენებისა და განვითარების დაცვას მუშაობის პროცესში, იცავს მოთხოვნების (prompt) დონესა და AI აგენტებთან ურთიერთქმედებას. უზრუნველყოფს ერთიან ხილვადობას, საფრთხეების რეალურ დროში გამოვლენას, მონაცემთა დაცვას, წვდომის კონტროლსა და ავტომატიზებულ რეაგირებას საბოლოო მოწყობილობებზე, აპლიკაციებში, AI აგენტებში, AI/API კარიბჭეებსა და ღრუბლოვან გარემოებში.

CrowdStrike-ის მართული გადაწყვეტა კონტეინერიზებული გარემოების უსაფრთხოების უზრუნველსაყოფად. იძლევა კონტეინერებში საფრთხეების მონიტორინგის, გამოვლენისა და მათზე რეაგირების შესაძლებლობას და უზრუნველყოფს შეტევებისგან რეალურ დროში დაცვას. ეს გადაწყვეტა ასევე მოიცავს მოწყვლადობების მართვასა და შესაბამისობის უზრუნველყოფას, რაც ორგანიზაციებს უსაფრთხოების სტანდარტების დაცვაში ეხმარება. Falcon Managed Containers ინტეგრირდება CrowdStrike-ის სხვა სერვისებთან, რათა უზრუნველყოს კონტეინერების უსაფრთხოებისადმი კომპლექსური მიდგომა.

ეს არის საფრთხეებზე ნადირობის სადღეღამისო მართვადი სერვისი. ის უზრუნველყოფს მუდმივ მონიტორინგსა და საფრთხეების რეალურ დროში გამოვლენას დამკვეთის ინფრასტრუქტურაში. Falcon OverWatch იყენებს ანალიტიკოსებსა და ტექნოლოგიებს რთული შეტევების გამოსავლენად, რომლებიც შესაძლოა ავტომატიზებულმა უსაფრთხოების სისტემებმა ვერ შეამჩნიონ. მთავარი მიზანია, დაეხმაროს ორგანიზაციებს კიბერსაფრთხეებზე სწრაფად რეაგირებაში და შეამციროს შეტევებით გამოწვეული პოტენციური ზიანი.

ეს სერვისი შესაფერისია ორგანიზაციებისთვის, რომლებსაც სურთ კიბერუსაფრთხოების გაძლიერება საკუთარი უსაფრთხოების გუნდის შექმნის გარეშე.

Falcon Complete არის CrowdStrike-ის კომპლექსური მართვადი უსაფრთხოების სერვისი, რომელიც უზრუნველყოფს საფრთხეებისგან დაცვის სრულ ციკლს, მათ შორის გამოვლენას, რეაგირებასა და აღმოფხვრას. ის ორგანიზაციებს სთავაზობს უსაფრთხოების სადღეღამისო მონიტორინგსა და მართვას, ხოლო CrowdStrike-ის ექსპერტთა გუნდი კიბერსაფრთხეებისგან დაცვაზე სრულ პასუხისმგებლობას იღებს. Falcon Complete ინტეგრირებულია CrowdStrike Falcon პლატფორმასთან და იყენებს მის შესაძლებლობებს საფრთხეების ავტომატურად გამოსავლენად და გასანეიტრალებლად, ხოლო ექსპერტები უფრო რთულ შემთხვევებში ერთვებიან.

Falcon for Mobile გადაწყვეტა გამოიყენება მობილური მოწყობილობების საფრთხეებისგან დასაცავად. ის უზრუნველყოფს საფრთხეების რეალურ დროში გამოვლენასა და მათზე რეაგირებას, მოწყვლადობების მართვას და მობილურ მოწყობილობებზე კონფიდენციალური ინფორმაციის დაცვას. Falcon for Mobile მხარს უჭერს როგორც iOS-ს, ისე Android-ს და ორგანიზაციებს საშუალებას აძლევს, დაიცვან თავიანთი მობილური გარემო ფიშინგისგან, მავნე პროგრამული უზრუნველყოფისა და სხვა კიბერსაფრთხეებისგან.

თქვენს გარემოში ნებისმიერი მდებარეობის არაავტორიზებული ანგარიშების, სისტემებისა და აპლიკაციების რეალურ დროში გამოვლენა, რაც შესაძლებელს ხდის პრობლემების უფრო სწრაფად აღმოფხვრას და უსაფრთხოების საერთო დონის ამაღლებას.

უსაფრთხოების გუნდებს სთავაზობს მიმდინარე პროგრამულ უზრუნველყოფაში მოწყვლადობების მართვის ავტომატიზებულ, კომპლექსურ გადაწყვეტას, რაც მათ საშუალებას აძლევს, უფრო სწრაფად განსაზღვრონ პრიორიტეტები და გააუმჯობესონ პრობლემების აღმოფხვრის სამუშაო პროცესები რესურსტევადი სკანირების გარეშე.

უზრუნველყოფს ფაილებში ცვლილებების სრულყოფილ, ცენტრალიზებულ ხილვადობას რეალურ დროში, რაც აუმჯობესებს მარეგულირებელ მოთხოვნებთან შესაბამისობას და იძლევა შესაბამის კონტექსტურ მონაცემებს.

ეს არის CrowdStrike-ის სერვისი, რომელიც დეტალურ ინფორმაციას აწვდის კიბერდამნაშავეთა ჯგუფების საფრთხეებისა და ქცევის შესახებ. ის ორგანიზაციებს ეხმარება გაიგონ, როგორ მოქმედებენ პოტენციური თავდამსხმელები, და აწვდის მონაცემებს მათი მეთოდების, ტაქტიკის, ინსტრუმენტებისა და მოტივების შესახებ. ეს ორგანიზაციებს საშუალებას აძლევს, უკეთ მოემზადონ შესაძლო შეტევებისთვის, მოარგონ უსაფრთხოების სტრატეგიები და უფრო ეფექტიანად დაიცვან თავიანთი სისტემები.

ღრუბლოვანი სენდბოქსი, რომელიც სრულად არის ინტეგრირებული CrowdStrike-ის ეკოსისტემაში. გამოიყენება მავნე პროგრამული უზრუნველყოფის ქცევის გასაანალიზებლად ემულირებულ, უსაფრთხო გარემოში.

უზრუნველყოფს პირად მონაცემებზე დაფუძნებული საფრთხეების განსაკუთრებული სიზუსტით გამოვლენას რეალურ დროში Active Directory-ის ანგარიშებისთვის. AI და ქცევითი ანალიზი გამოიყენება პრაქტიკული დასკვნების მისაღებად, რათა თავიდან იქნეს აცილებული თანამედროვე შეტევები, როგორიცაა ransomware.

უზრუნველყოფს იდენტიფიკაციის მონაცემებზე დაფუძნებული საფრთხეების განსაკუთრებული სიზუსტით გამოვლენასა და შეტევების პრევენციას რეალურ დროში Active Directory-ის ანგარიშებისთვის. დაცვა ხორციელდება მოწინავე AI-ის, ქცევითი ანალიტიკისა და პოლიტიკების მოქნილი სისტემის შესაძლებლობების გაერთიანებით, რაც რისკების გათვალისწინებით პირობით წვდომას უზრუნველყოფს.

Falcon LogScale არის ჟურნალების შეგროვებისა და ანალიზის თანამედროვე გადაწყვეტა, რომელიც შექმნილია დიდი მოცულობის მონაცემების სწრაფად დასამუშავებლად.

ძირითადი შესაძლებლობები:

• სწრაფი ძიება: მონაცემების ძიება ტრადიციულ ინსტრუმენტებთან შედარებით ათეულობითჯერ უფრო სწრაფად.
• მასშტაბირებადობა: პეტაბაიტების მოცულობის მონაცემების დამუშავება წარმადობის დაკარგვის გარეშე.
• ეკონომიური შენახვა: უინდექსო არქიტექტურა უზრუნველყოფს მონაცემების ეფექტიან შეკუმშვას და ამცირებს შენახვის ხარჯებს.

Falcon Next-Gen SIEM არის უსაფრთხოების მართვის ინტეგრირებული პლატფორმა, რომელიც აერთიანებს მონაცემებს, საფრთხეების გამოვლენასა და მათზე რეაგირებას, AI-ს, სამუშაო პროცესების ავტომატიზაციასა და საფრთხეების შესახებ სადაზვერვო ინფორმაციას.

ძირითადი შესაძლებლობები:

• უსაფრთხოების მონიტორინგი: საფრთხეების მყისიერი გამოვლენა რეალურ დროში განახლებადი დაფებისა და ძირითადი მიგნებების მეშვეობით.
• ინციდენტების მართვა: გამოძიებების დაჩქარება AI ინსტრუმენტების დახმარებით.
• მოძველებული SIEM სისტემების ჩანაცვლება: მარტივი მიგრაცია Falcon Next-Gen SIEM-ზე წარმადობისა და უსაფრთხოების გასაუმჯობესებლად.

ამარტივებს ტელემეტრიის დამუშავების რთულ პროცესებს და რეალურ დროში უზრუნველყოფს ზუსტ კონტროლს იმაზე, თუ როგორ გროვდება, მდიდრდება და გადაიცემა მონაცემები, რაც უსაფრთხოებისა და ანალიტიკის ამოცანებისთვის ხარისხიან და სუფთა სიგნალს ქმნის.

უზრუნველყოფს საფრთხეებისგან კომპლექსურ დაცვას Falcon Next-Gen SIEM-ის საკუთარი და მესამე მხარის მონაცემების კორელაციისა და ქსელურ მოწყობილობებში, SaaS-აპლიკაციებში, ელფოსტის სისტემებში, ოპერაციულ სისტემებსა და სხვა გარემოებში რთული შეტევების პროაქტიული ძიების მეშვეობით.

CrowdStrike Falcon Data Protection — თანამედროვე გადაწყვეტაა კონფიდენციალური ინფორმაციის არასანქცირებული წვდომისა და დაკარგვისგან დასაცავად.

ძირითადი შესაძლებლობები: 

• მონაცემების იდენტიფიკაცია: ავტომატურად ამოიცნობს სენსიტიურ ინფორმაციას (PII, ფინანსურ მონაცემებს და სხვ. (regex)).
• წვდომის კონტროლი: პოლიტიკების განსაზღვრა მონაცემების არასანქცირებული გადაადგილების მონიტორინგისა და დაბლოკვისთვის.
• რეალური დრო: მონაცემების გამოყენებისა და გადაცემის მყისიერი ხილვადობა.
• დაცვა ღრუბლოვან გარემოსა და მოწყობილობებზე: ინტეგრაცია Microsoft 365-თან, Google Workspace-თან და სხვა ინსტრუმენტებთან ((მათ შორის SaaS, ChatGPT და სხვ.)).
• AI-ზე დაფუძნებული ანალიტიკა: ანომალიებისა და საფრთხეების გამოვლენა.

უპირატესობები: 

• ერთიანი პლატფორმა საბოლოო მოწყობილობებისა და მონაცემების დასაცავად.
• მარტივი დანერგვა დამატებითი აღჭურვილობის გარეშე.
• ინტერაქტიული დაფები ანალიზისა და ანგარიშგებისთვის.